Meiddi sig í löppinni sinni...

Það er oft gaman að skoða mismunandi þýðingar á fréttum, eins og t.d. þessari.  Þýðingin á orðum Steve Copell stjóra Reading um þetta mál á Fótbolti.net, sem er ein af uppáhalds síðum Eyvans er svona:

"Leroy finnur mikið til.....Hann hefur gert eitthvað við löppina sína"

Lítur út fyrir að nóg gæti verið að kyssa á bágtið og skella plástri á meiddið til að redda þessu.   

Lita meiddist á rúmstokknum

Lokastaðan

Eyvanum þykir afskaplega leiðinlegt að eyðileggja heilt tímabil af Enskum fótbolta fyrir ykkur en lokastaðan á komandi tímabili mun verða einhvernvegin svona:

1.  Man utd

2.  Chelsea

3.  Liverpool

4.  Tottenham

5.  Arsenal

6.  Man city

7.  Everton

8.  Bolton

9.  Reading

10. West ham

11. Portsmouth

12. Newcastle

13. Middlesbro´

14. Aston villa

15. Blackburn

16. Birmingham

17. Wigan

18. Fulham

19. Derby

20. Sunderland

Svona birtist þetta Eyvanum í draumi ekki alls fyrir löngu, gæti reyndar eitthvað hafa skolast til í kringum miðjuna en það eru víst toppurinn og botninn sem skipta mestu máli.  Það er eiginlega verst við þetta að Man. Utd. skuli vinna deildina enn einusinni og svo hefði Hr. E alveg viljað sjá West Ham ofar, en svona er þetta, draumar Eyvans hafa ekki klikkað hingað til....  

 

Endar Liverpool í þriðja?

Liverpool er uppáhaldslið Eyvans í ensku deildinni, bara svo það sé á hreinu.  En einhverneigin hefur Eyvinn það samt á tilfinningunni að liðið endi ekki ofar en þriðja sæti á komandi tímabili, veit ekki afhverju, finnst bara hafa vantað einhvern neista í liðið undanfarin tímabil, einhvern kraft, þegar kemur að deildinni.  Finnst eins og það sama sé uppá teningnum núna.  Æfingaleikirnir hafa gengið ágætlega undanfarið, gerðu það svosem líka í fyrra og væntingarnar voru miklar.  Vonandi skila þessir fimm milljarðar sem settir hafa verið í leikmannakaup sér í árangri.  

Þessi ummæli Mourinho eru útúr kú, held að pressan um árangur sé töluvert meiri hans megin.    

Mourinho: Mikil pressa á Liverpool

Efast um að Birgir Leifur sé sterkasti kylfingur landsins...

Eyvinn hreinlega stórefast um að Biggi Ell sé sterkasti kylfingur landsins, sérstaklega eftir að hafa séð til Magga Ver leika nokkrar holur á ónefndum velli ekki alls fyrir löngu en Magnús Ver lyftir nákvæmlega 274,5 kg. í bekkpressu og röltir um með heilu rútubílana í eftirdragi út um allan bæ.  Efast um að Bigginn geri það.   Annars væri Magnús Ver ekkert nema bara flottur sem markvörður í einhverri boltaíþróttinni, þó ekki væri nema bara útaf nafninu...  Kannski hjá Skagamönnum, held að þeir þyrftu þá ekki að hlaupa vælandi inní klefa á undan nokkrum Keflvíkingum.  Ó nei.

Vá, bara mánudagshúmor í gangi hjá Eyvanum, sei, sei....

Birgir Leifur: „Eitt sterkasta Íslandsmót frá upphafi“

25 ostborgarar á 10 dögum....

Eyvinn sló persónulegt met í hamborgaraáti í síðustu ferð sinni til USA, 25 McOstborgara á 10 dögum.  Ekki slæmt það, eða Hvað?

Ekki hafði þetta þó áhrif á þyngd Eyvans, sem er rétt rúmlega ofurfyrirsæta í kílóum talið.  Nokkuð ljóst er þó að ef Hr. E hefði  borðað þetta magn á Íslandi hefði kallinn sennilega misst nokkur kíló úr buddunni sinni litlu fallegu.

Flestir eða 33,3% þeirra sem tóku þátt í könnuninni um þetta mál höfðu því rétt fyrir sér, Eyvinn hefur þó nokkrar áhyggjur af því að 9,5% þeirra sem tóku þátt héldu E hafa torgað 100 borgurum.  Það er klikkun.  Ég endurtek klikkun. einusinni enn:  Klikkun.

 

Einföld lausn á algengu vandamáli...

Fyrir ekki svo löngu síðan bættust einhverjar 47 stöðvar við á kapalkerfið í hverfi Eyvans, þannig að af nógu er að taka þegar kemur að sjónvarpsglápi.

Eyvinn hefur því horft á ófáar glæpamyndir að undanförnu og tekið sérstaklega eftir því að þegar kemur að því að menn þurfa að stela einhverjum rosalega merkilegum hlut þá eru allveg svakaleg  þjófavarnarkerfi til staðar í formi allskonar skynjara, leysigeisla, augnskanna og fingrafaraaflesara, sumstaðar þarf meira að segja að slá inn lykilorð og renna korti í rauf til að komast inn í rammgerðar geymslur þær sem hýsa verðmætin - en alltaf virðast menn gleyma loftræstikerfinu sem þó er það rúmgott að fullt af fólki kemast auðveldaga þar fyrir..... 

....Þjófavörn í Lofræstistokkinn og málið er leyst!

Eitt enn.  Er það tilviljun að þegar menn, sérstaklega hetjur stökkva niður af 18 hæða brennandi byggingu skuli alltaf vera ruslagámur akkúrat á réttum stað og það allveg stútfullur af einhverju mjúku og þægilegu að lenda á....

....Af hverju eru þessir gámar aldrei fullir af glerbrotum?

Svo væri Eyvinn allveg til í að vita hvernig menn fara að því að standa í lappirnar uppá þaki lesta sem fara á nokkurhundruð km. hraða á klst., virðist allavega vera ekkert mál.

Jæja, það er að byrja ein góð.....

Kláfur og veitingahús á Eyrarfjall

Eyvinn hefur nett gaman af léttgeggjuðum hugmyndum og mönnum sem hafa vilja og þor í að leggja af stað með verkefni eins og þetta.

Snilldarhugmynd og frábært ef þetta verður að veruleika hjá bloggvini mínum honum Skafta og Úlfi af Hamraborgarkyni.   

 

Verður spennandi að sjá árangurinn

Það  verður án efa spennandi að sjá hvað Sven gerir með liðið, Eyvanum finnst lokastaða liðsins í deildinni undanfarin ár ekki hafa verið eins góð og búast hefði mátt við miðað við mannskapinn sem hefur verið í herbúðum liðsins.

City tilkynnir um ráðningu á Eriksson í dag

Auðvitað var þetta viljandi gert...

Hef lúmskan grun um að Bjarninn hafi tekið nokkur svona skot á æfingum í gegnum tíðina og eftir að hafa horft nokkrum sinnum á upptökuna af þessu annars glæsilega marki á maður nokkuð erfitt með að trúa því að Guðjónsson hafi bara ekki hitt boltann.

En svona er fótboltinn og þetta má gera, þess vegna finnst mér ekki rétt, að Skaginn hefði átt að "gefa" Keflvíkingum mark til að bæta fyrir glæsimarkið né heldur bjóða annan leik.

Varðandi samviskuna hjá þeim feðgum þjálfara Íslands og "heiðarlegasta fótboltamanni heims" (eins og Bjarnanum hefur verið lýst í viðtölum) held ég að það verði ekkert vandamál, þeir eru sennilega búnir að gleyma þessu nú þegar.

Framkoma Keflvíkinga er náttúrulega óafsakanleg en þó að ég sé nú ekki með gráðu í sálfræði myndi ég skjóta á að það hafi verið nokkuð mannlegt að menn yrðu pínu mikið æstir.  Held meira að segja að ef þetta hefði gerst hinumegin á vellinum hefðu viðbrögðin orðið eins ef ekki verri.

Bjarni þurfti lögreglufylgd

Kaninn að fá leið á Paris...

Sá í fréttum hér í USA að nokkur slúðurblöð hafa tekið sig saman og ætla ekki að birta "fréttir" sem tengjast Paris Hilton í næstu viku, Hvers vegna veit ég ekki.  Kannski er kaninn bara búinn að fá leið á stelpunni.  Eitt þeirra gengur reyndar aðeins lengra og ætlar ekki einu sinni að skrifa neitt um borgina París. 

Frábært.   

Í staðinn verður sennilega skrifuð átján síðna grein um það að Angelina Jolie hafi fengið sér tattoo eða níu síður um að Britney Spears hafi bannað mömmu sinni að hitta börnin svo hefur örugglega einhver fengið sér nýjan kjól, það má skrifa eitthvað um það. 

Æðislegt.

Annars eru fréttatímarnir hér í USA algjör snilld, í fyrsta lagi eru nánast aldrei fréttir frá löndum utan USA (einstaka frétt frá Írak, einna helst ef kaninn sprengir sína eigin menn), það var kannski rætt um sprengjudæmið í London í þrjár sek. á meðan það var átta mínútna frétt um það að miðaverð í lestir hafi hækkað um 5 cent.  Í annan stað: Það eru aldrei sagðar neinar góðar eða skemmtilegar fréttir, heldur eru þetta heilu klukkutímarnir af þessi skaut þennan, hinn keyrði fullur á vegg og 81 árs gamlar konur virðast vera rændar á hverjum einasta degi, oft á dag.  Og C: það eru fokking auglýsingar á tveggja mín. fresti.

Ömurlegt.

Fréttaþulur neitaði að byrja á frétt um París Hilton